COSIRE ISCIAREU- S'arte de su traballu

Intre sos diferentes setores de su traballu artesanale in Sardigna resartat cuddu antigu meda de fàghere còrbulas e canisteddas impreende partes de matas e prantas, una chimbantina, incruidas s’isciareu, su giuncu, sa canna e sa parma. Custa arte serbiat a creare massimamente corbes, còrbulas e canisteddas, trastos ùtiles pro sas atividades de domo. S’isciareu est su materiale prus impreadu, mascamente in logos de monte – Ollollai in Barbàgia e Orthullè in Ogiastra, Tinnura, Montresta e Frussio in Pranarza. In custu libru presentamus s’arte de traballare s’isciareu. Contamus totu su caminu de sa produtzione de canisteddas e còrbulas, partende dae cando nde tirant sas cannas in beranu finas a cando lu cosint, chi a traessu sas camineras misteriosas de sa manualidade giughet a su coro de

sas traditziones: un’arte traballosa e de pretzisione chi caminat cun su matessi passu de sa natura e chi in su tempus s’est furriadu a traballu artìsticu fatu de tantos gestos cuotidianos piticos e importantes chi nde diat chertu recuperadu su significadu